Daymo Research
Ku saabsan Daymo
DAYMO waa madal madax-bannaan oo ku takhasustay cilmi-baarista beeraha, dabagalka suuqyada iyo xogta ganacsiga beeraha iyo xoolaha Somaliland.
“Daawasho, Dabagal iyo Warbixin Daacad ah.”
Macnaha "Daymo"
Daymo waa eray Soomaali ah oo la xidhiidha daawasho, si dhow u eegid, dabagal iyo fiiro gaar ah. Wuxuu qeexayaa habka aanu u shaqayno: si dhow ayaanu ula soconnaa, si taxaddar leh ayaanu u falanqaynaa, si daacad ahna ayaanu u soo bandhignaa.
Hadafka
In aanu dabagalno, cilmi-baarno, falanqayno oo soo bandhigno horumarka beeraha iyo xoolaha Somaliland annagoo adeegsanayna xog suuq oo la isku halayn karo, cilmi-baaris saynis ah iyo waxbarasho xirfadeed.
Falsafaddayada
- La socodka horumarka beeraha.
- Dabagalka suuqyada xoolaha iyo beeraha.
- Ururinta xog suuq oo la isku halayn karo.
- Soo bandhigidda xogta si daacad ah oo daah-furan.
- Samaynta cilmi-baarista beeraha.
- Horumarinta aqoonta iyo waxbarashada beeraha.
Waxa aanu qabanno
Macluumaadka suuqa
Qiimayaal la xaqiijiyey oo ah badarka, khudaarta, miraha, xoolaha iyo dambiisha cuntada qoyska ee Hargeysa, Boorama iyo Burco.
Macluumaadka suuqa →Cilmi-baaris iyo daabacaado
Warbixinno suuq, daraasado silsiladda qiimaha, koobitaanno siyaasadeed iyo waraaqo cilmi-baaris.
Cilmi-baaris iyo daabacaado →Waxbarasho
Koorsooyin iyo tababarro wax-ku-ool ah oo ku saabsan ganacsiga beeraha, dhaqaalaha beeraha, wax-soo-saarka dalagga iyo xoolaha.
Waxbarasho →Cidda aanu u adeegno
Beeralayda, ganacsatada, cilmi-baarayaasha, ardayda, siyaasad-dejiyeyaasha, maalgashadayaasha, hay'adaha horumarinta iyo hay'adaha beeraha.